呢份上个星期先出炉嘅「大厦优质供水认可计划」，入面竟然连食水有铅毒嘅启晴邨都有份。啲水有毒都过到优质认可，咁即係唔识字去考DSE都会攞A㗎啦，咁你叫你呀妈唔好再问你DSE点解考成咁啦，因为世事嘅嘢係冇得解㗎。
呢个水务署「大厦优质供水认可计划」目的係「增强本港居民及海外访客对自來水质素的信心」、仲话个準则係「测试结果必须符合有关水质指标的可接受限度」，咁唔係佢自己屋企，个可接受限度又可能会高啲嘅。
仲有入面个赏晴楼就係含铅量超标超成2.8倍嗰度呀，咁都有证书，到底係唔係是旦搵个人饮啖冇即刻死就叫合格㗎喇？
不过学阿食物及卫生局副局长陈肇始咁讲，相比世界其他国家个案，呢啲样本超标水平唔算太高啫，所以冇事嘅，唔使惊，只係技术性超标嚟啫。
